[b]من طرايف ونوادر المورده[/b]

استعرض الموضوع السابق استعرض الموضوع التالي اذهب الى الأسفل

[b]من طرايف ونوادر المورده[/b]

مُساهمة  ياسر حسيب في الإثنين أبريل 13, 2009 5:44 am

[right]هناك العديد من الشخصيات التي سمعنا بها او عاصرناها في ذلك الحي القديم وهو حي المورده هذه الشخصيات بامكاننا ان نقول هم حبوباتنا او جدودنا والدينا او اخواننا او جيراننا
فالطرفة لا تفارقهم حيث الحميمية هي التي تجمعهم تجمعهم زكريات الصبا يجمعهم حبهم للمورده والاذاعة حيث حقيبة الفن والمسرح وحبهم لكوره القدم مشاركتهم بعض في الافراح والاتراح في هذه المناسبات تخرج الطرف والدرر فتعالو معي ايها المورداب ان نحاول استخراج هذا الكنز من الطرف والنوادر هلا ساعدنا بعض وانا ما بقصر معاكم تب Laughing Laughing Laughing Laughing

ياسر حسيب

عدد المساهمات : 19
تاريخ التسجيل : 02/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  ياسر حسيب في الإثنين أبريل 13, 2009 9:38 am

كان عندنا حبوبتا لينا وعلى ذكر هذه الحبوبة كانت موردابيه اصيله فعندما كان الجنيه بسوى تبرعت به لبناء النادي بدون ادنى ندم الله يرحمها .
كان في ذلك الحوش بكا وعند حضور الجثمان وكل النساء يبكون لاحظت ان هناك مجموعة من البنات الصقار بقرو في المصاحف فما كان منها الا ان صرخت فيهم وكانت هي اختي قالت ليها هوى يا بت حسيب ما تعملي لينا بيت البكا مدرسة خلو البنات يبكو بكاهم.

ياسر حسيب

عدد المساهمات : 19
تاريخ التسجيل : 02/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  عبدالباقى حامد الجزولى في الثلاثاء أبريل 14, 2009 9:53 am

[size=24]تعرف ياباشمهندس زمان ايام المغربى بغلب فى الناس كان فى غنية بغنوها ناس الموردة بتقول (المغربى جاب القون ......قون اذهل الجمهور ) ففى مرة من المرات سمعت الاغنية عمتك (التومة ) وهى من المحبات للموردة وارادت ان تستخدمها فى احد نقاشاتها مع الغير وقالت ليهم انتو ماسعتوا غنية الموردة قالوا ليك المغربى جاب القون قون اسهل الجمهور خلاهم يسهلوا اسهال Laughing[/size]

عبدالباقى حامد الجزولى

عدد المساهمات : 43
تاريخ التسجيل : 24/03/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  عمرابي في الأحد أبريل 19, 2009 9:33 am

بمناسبة الحبوبات يا جاكسون عندنا( الحاجة جاره) رحمها الله و هي والدة الحاجة حياة رحمها الله (زوجة الرب) فكانت هذه الحبوبة تقوم بتحرير و نشر فتاوي الصوم فعندما بدانا نصوم شهر رمضان كانت تفتي لنا بانه يمكننا شرب 3 جغمات من ماء الزير عند الساعة 12 ظهرا على ان لا نزيد في العدد حتى لا يفسد صومنا و كانت احيانا تشاركنا التطبيق العملي لهذه الفتوى و ذلك حسب درجة حرارة اليوم و هكذا صمنا ردحا من الزمن معتمدين على هذه الفتوى الحبوباتية. Very Happy Very Happy

عمرابي

عدد المساهمات : 128
تاريخ التسجيل : 03/04/2009
العمر : 46
الموقع : الدوحة

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  عبدالباقى حامد الجزولى في الأحد أبريل 19, 2009 10:14 am

lمرة كان الموردة عندها مبارة سخنة جداجدا والناس منتظرنها بفارغ الصبر ليهم اسبوع بس فى نفس يوم المباراة حوالى العصر متاخر وقريب للمغرب فى واحد من ناس الحلة الكبار توفى طبعا الحلة كلها مشت بيت البكاء وصلوا صلاة المغرب وبدوا يعاينوا لى بعض ويتهامسوا وينقنقوا ( هسه الكورة دى كيف ؟ والله المرجوم بالغ يعنى اختار ليهو وكت غريب جدا ؟؟؟ ياخى دى كورة مابتتفوت . طيب ماتقنعوا الناس ديل يدفنوا بكرة الصباح) المهم واحد من الجماعة قال مابحل الموضوع ده الا عمك الفاضل سطيح الله يرحمو فكلم عمك الفاضل واصلوا عمك الفاضل فايت الجماعة بهناك وعايز ليهو فرصة عشان يمشى الكورة ...قام عمك الفاضل قال ليهم خلوا لموضوع ده على انا .. وبعد شوية قام على حيلو قال للناس بى صوتو الشهير : الفاتحة يا جماعة المرحوم كان موصى انو مايندفن بالليل Laughing

عبدالباقى حامد الجزولى

عدد المساهمات : 43
تاريخ التسجيل : 24/03/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  Mohamed AbdelWahab في الإثنين أبريل 20, 2009 4:46 pm

على ذكر الحبوبات وطرائفهن بتحكى لينا خالتنا قالت إنو التراويح دي زمان كانت معروفة عرفاً إنها صلاة للرجال فقط لا غير فيما يبدو فكانت حبوبتنا فطين-الله يرحمها- مِجنناها ليك وتقول لها " هو اتو شنو الصلاة القاموا شبكوا لينا فيها فتوات الزمن ده لعن رسول الله الفتاة الصلاية والجدادة العوعاية" Very Happy Very Happy

Mohamed AbdelWahab

عدد المساهمات : 2
تاريخ التسجيل : 02/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  Mohamed AbdelWahab في الثلاثاء أبريل 21, 2009 10:35 am

عمرابي كتب:بمناسبة الحبوبات يا جاكسون عندنا( الحاجة جاره) رحمها الله و هي والدة الحاجة حياة رحمها الله (زوجة الرب) فكانت هذه الحبوبة تقوم بتحرير و نشر فتاوي الصوم فعندما بدانا نصوم شهر رمضان كانت تفتي لنا بانه يمكننا شرب 3 جغمات من ماء الزير عند الساعة 12 ظهرا على ان لا نزيد في العدد حتى لا يفسد صومنا و كانت احيانا تشاركنا التطبيق العملي لهذه الفتوى و ذلك حسب درجة حرارة اليوم و هكذا صمنا ردحا من الزمن معتمدين على هذه الفتوى الحبوباتية. Very Happy Very Happy

الٲخ عمرابي

بمحاولتنا إستذكار رمضان وسخانتو ٲيامها فقد نلتمس العذر لفتوى الحاجة بإرتشاف بضع جغمات لسد الأذى على وزن مضارفة المٶمن على رقبتو حسنة و الله ما ٲمر بالهلاك يا ٲخوي
Laughing

ٲديك واحدة تانية كمان
بتحكي لينا واحدة موردابية برضو لا ٲذكرها فقالت الصلاة زمان هي زآاااتا ما كان فيها جنس قراية الزمن ده الكتيرة دي الزول كان بس يقرأ الحمدو وبعدا طوآااالي يقوم يقول الصلاة صلاتك و الواطة واطاتك نقع ونقوم علي نِجِلاتك والله أكبر
- نقع ونقوم علي شنو? - علي نِجِلاتك Laughing Laughing


عدل سابقا من قبل Mohamed AbdelWahab في الثلاثاء أبريل 21, 2009 10:44 am عدل 1 مرات (السبب : improvement)

Mohamed AbdelWahab

عدد المساهمات : 2
تاريخ التسجيل : 02/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  عمرابي في الثلاثاء أبريل 21, 2009 10:49 am

هاك الجدعة دي يا اخوي محمد,,,

عندنا حبوبة موردابية الله يرحمها كانت تقوم في كل صلواتها بقراءة سورة الكافرون بدون الفاتحة او غيرو من السور و كانت تقرأها على النحو التالي
(( ديك يا الكافرون, لا انا بعبد البتعبدو و لا انتو بتعبدو البعبدو)) الله اكبر.


عدل سابقا من قبل عمرابي في الثلاثاء أبريل 21, 2009 10:51 am عدل 1 مرات (السبب : السور بالسين و ليس بالصاد (الحقتنا و انجدنا يا باشمهندس جاكسون))

عمرابي

عدد المساهمات : 128
تاريخ التسجيل : 03/04/2009
العمر : 46
الموقع : الدوحة

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  ياسر حسيب في الإثنين أبريل 27, 2009 10:22 am

والله يجازي محنكم يا المورداب
واصلو في الابداع واخراج النفيس من الدرر
عندنا حبوبة طيبة بت الجاز كان صاحبة طرفة ومقالب تحكي هي انها ذات ره اختلفت مع نسوان الرباطاب في الفريق بتاع الخور
قامت لاقت واحد شغال في الاذاعة قامت نادتو قالت ليهو عاوزه اهدي اغنية في ما يطلبه المستمعون قام عمك جاب القلم والورقة
وكتب ليك الاسامي الملتها طيبة ليهو
ويوم اذاعة الحلقة شالت الرادي معاها للحلة ونادتم ليك كلهم واول ما بدا البرنامج الاغنية الاولى مهداه من التومة لي عشة بت
ومن فلانة لي علانة بت فلتكان ما كان منهم الا بكو كلهم خوفا من الفضيحة

ياسر حسيب

عدد المساهمات : 19
تاريخ التسجيل : 02/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  nazar في الإثنين يونيو 01, 2009 2:14 am

عمرابي كتب:هاك الجدعة دي يا اخوي محمد,,,

عندنا حبوبة موردابية الله يرحمها كانت تقوم في كل صلواتها بقراءة سورة الكافرون بدون الفاتحة او غيرو من السور و كانت تقرأها على النحو التالي
(( ديك يا الكافرون, لا انا بعبد البتعبدو و لا انتو بتعبدو البعبدو)) الله اكبر.

حسب الاسم و الصورة دة ما مجدى العمرابى Shocked

nazar

عدد المساهمات : 1
تاريخ التسجيل : 01/06/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  HISHAM SIDDIG في الإثنين يونيو 01, 2009 1:45 pm

تحياتي
حبوبتي أم سلمه قالت< قال رسول الله صلى الله عليه و سلم أعندكم القرض و يمسسكم المرض.? >رحمها الله

HISHAM SIDDIG

عدد المساهمات : 22
تاريخ التسجيل : 01/06/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  خالد الجزولي في السبت يونيو 06, 2009 12:55 am

نعرج شوية على مسجد حي الصابرين وفيه من النوادر ما فيه وبحكم تواجد ي كمرابط من المصلين بهذا المسجد منذ زمن بعيد عاصرت العديد من الأجيال ولكني سوف اتحدث عن جيل النقر مدني ويوسف محمد وصديق سطيح والفاضل سطيح وحمد النيل النويري وعبد الحافظ الطيار والشيخ بشير محمد أحمد رحم الله من غادر هذه الفانية إلى دار الخلود وأطال الله في أعمار البقية الباقية.
ففي إحدى الأيام وعند صلاة الظهر وكان عمنا يوسف يرحمه الله يأتي لصلاة الظهر منذ وقت مبكر ويجلس تحت الشجرة مع عبد الله المكوجي بحكم أنه نزل المعاش يتحدثون ويتجاذبون أطراف الحديث إلى أن يأتي الفاضل سطيح - يرحمه الله - زايغ من الشغل عشان يأذن لصلاة الظهر أحياناً ، فكان أن رفع الآذان الساعة الواحدة ظهراً وجاء الإمام وأظنه كان عم النقر فصلى بالناس وحصل خطأ ما في الصلاة مما أدى إلى بطلانها واختلف الناس في ذلك هل هي باطلة أم صحيحة وعندها جاء مفتي حي الصابرين الشيخ بشيراً متأخراً للصلاة ووجد الناس مختلفين فتم سؤاله يا شيخ بشيرالحاصل كذا وكذا فأفتى ببطلان الصلاة ، فما كان من الراحل العم يوسف عبد الله إلا أن حلف بأغلط الإيمان أنه لن يعيد الصلاة وقا ل ( أنا الصلاة دي قاعد حارسها من الساعة حداشر والآن لمن صلينا تجو تقولوا لينا الصلاة ما صحيحة ، ما بعيدها ولا شي). وتوكل على اللله ومشى بيتهم.
حكاية أخرى
كونوا معنا ومع نوادر مسجد حي الصابرين (بر).

خالد الجزولي

عدد المساهمات : 167
تاريخ التسجيل : 04/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  ياسر حسيب في الأحد يونيو 07, 2009 3:58 am

[/b]في مرة من المرات عمكم حسين الفكي سافر ليهو مامورية وبقى يصلي بالناس عمنا عبد القادر يوسف اول جمعة كانت عزاب القبر تاني جمعة عقوبة تارك الصلاة وتالت جمعة عن سكرات الموت قام عمك النقر قال الله يجيب لينا حسين الفكي غبد القادر ده قطع قلبنا عديل كده لمن الواحد بقى يهلوس وطير النوم من عيونا


تعريجة اولاد حمو وقصصهم في مسجد بر دي عاوزه بوست كامل

ياسر حسيب

عدد المساهمات : 19
تاريخ التسجيل : 02/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  بطـــه في الأحد يونيو 07, 2009 4:52 am

سلامات يا شبــاب ..
أخونـا نادر عبد القادر المتزوج أخت ناس فتحي الربع ..
زمان بي حياة جدهم الكبير حمد النيل .. كان في واحد من ناس الحلة بيجي (يتكل) مع جدو .. ويتونس معاهو في عصريات الحلة السمحة ديك ..
يوم جد نادر ربنا يرحمو ويغفر ليهو .. كان جوه البيت بي هناك ماخد ليهو نومة صغيرة ..
قام جا عمنـا دا بيفتش لي فردتو .. قام جا طالع ليهو نادر من جوه البيت ..
قال ليهو يا ولد يا نادر جدك في ؟؟
قال ليهو جدي مافيش لكن في
(شباشبوو)

Very Happy
avatar
بطـــه

عدد المساهمات : 21
تاريخ التسجيل : 07/06/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  خالد الجزولي في الأحد يونيو 07, 2009 9:11 am

نواصل مع مسجد بر وطبعاً نوادره كثيرة
عمك الراحل الاستاذ/ أحمد محمد عوض كان مغرماً بأن يكون إماماً وكان يصلي بالناس دائماً
وكثيرا ًما كانت صلاته تطول ، فمره في صلاة المغرب صلى بالناس بسورة الكهف وبدأ يقرأ
ويقرأ ويقرأ وعمك عبد الحافظ الطيار بدأ يتململ ويتضجر المهم الصلاة طولت المهم وكالعادة
الصلاة حصل فيها غلاط حول صحتها وانتظرنا المفتي بتاعنا شيخ بشير والذي افتى ببطلان
الصلاة وضرورة أعادتها فما كان من عمك عبد الحافظ إلا غنج وقال من قبيل شابكننا
ثلاثة ورابعهم كلبهم وخمسة وسادسهم كلبهم وصالبننا فترة طويلة كدة في الصلاة وبعد دا
تجوا تقولوا لينا نعيدا ،
ما بنعيدا ولا حاجة ، وشال نعالو وقال يا فكيك
كونوا معنا مزيداً من الحكايات مع
مسجد حي الصابرين

خالد الجزولي

عدد المساهمات : 167
تاريخ التسجيل : 04/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  عمرابي في الأحد يونيو 07, 2009 11:16 am

نعرج بيكم يا شباب على جامع حسن حسين بميدان البيان و نوادره.

عمنا الراحل المرحوم مصطفى عقارب كان الامام الراتب للجامع و لم تكن بينه و بين المرحوم الشيخ محمد عمر الشهير ب (الشيخ بيش) مودة كبيرة (علما بانهم الاتنين من عمراب الموردة) و كان مصطفى عقارب ياتي دائما متاخر دقائق للصلاة و الشيخ بيش الحال ما عاجبو و كان يعلق بان عقارب لو مشى جامع الادارسة ما بتاخر. و في يوم كانت صلاة العشاء و الكهرباء قاطعة و مصطفى عقارب وصل في وقت الصلاة بالثانية و الشيخ بيش ما شايفو و فجاءة و بدون مقدمات قام الشيخ بيش و اخذ بالصياح في وسط الجامع ( دي بلد فوضى و ده جامع فوضى, مصطفى عقارب قايل نفسو شنو كل يوم متاخر و لمن يمشي الادارسة ما بتاخر هناك جامع و هنا كازينو) و في نفس اللحظة الكهرباء رجعت و التفت الشيخ بيش ليجد مصطفى عقارب وراءه مباشرة,, فما كان منه الا ان اخذ نعلاه و دفع مصطفى عقارب من كتفه قائلا له[][color=red] (خش صلي بيهم يا السيد علي الميرغنى)[/color] ثم انطلق مهرولا و اخذ الجميع في الضحك و واولهم مصطفى عقارب..... رحم الله الجميع.[/size]

عمرابي

عدد المساهمات : 128
تاريخ التسجيل : 03/04/2009
العمر : 46
الموقع : الدوحة

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  ياسر حسيب في الإثنين يونيو 08, 2009 4:20 am

[b]كان في مرة من المرات عمنا النقر واقف بصلي في جامع بر قام جاء ولد من انصار السنة وهو مصر يلصق رجلو في عمك وعمك يزح رجلو وتاني داك يلصق وعمك يزح فما كان من عمك الا ان رفع رجلو وقال ليهو اها كان راجل حصلة

ياسر حسيب

عدد المساهمات : 19
تاريخ التسجيل : 02/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  خالد الجزولي في الإثنين يونيو 08, 2009 8:54 am

جامع بر لذيذ ونوادره وطرايفه كتيرة
مرة في صلاة التراويح وكان صادف أن صلي المرحوم محمد أخو عمر الشرة بتاع الدكان (وهو متخلف لا يتكلم ولا يسمع) وبعد أن بدأت الصلاة بدأ الجماعة يسمعوا ليك صوت ضرب صصصر صصصررر والجماعة طبعاً بدأوا يترقبون كل واحد مستنى الدور راجيه وصاحبنا واقع ضرب في الجماعة بي حاجة في أيدو ، أها الجماعة في الصف في الصلاة وبالهم في الضرب اللي جاي ، والدور المتظرهم ، وواحدين يكشفوا بي قعر عينهم ، وأخونا أحمد الحنان عين مع الإمام وعين مع محمد بي ورا ، وواحدين قطعوا الصلاة وجروا ، وألذ حاجة كان محمد ودحمد النيل (جبرته) كان صغير وشايف الضرب وطبعاً واقف جنب أبوه حمد النيل والدور لمن قرب ليه لكز أبو قال ليه أبوي أبوي جاك جاك يا أبوي وعمك أبو النيل بدأ يزوغ زي الطالب البضرب فيه استاذة بالصوط ، وبرضو طبعاً عين قدام وعين وراء ، غايتوا كان موقف درامي رهيب جداً طبعاً عموماً ، قد يتسآئل واحد أين موقعنا نحن من هذا الأمر ، نحن كنا بالصف الأول وطبعاً الكلام دا كان بالصف الأخير وبعد كدة الإمام سلم وانتهت الركعتان وتم حسم الأمر ، وعرف من جرى وعرف من أخذ نصيبه وسكت وعرف من تلفت وطبعاً الناس الوراء هم الذين رووا لنا هذه التراجيديا.
تحياتي

خالد الجزولي

عدد المساهمات : 167
تاريخ التسجيل : 04/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  عصام عباس ابوعكر في الإثنين يونيو 08, 2009 2:11 pm

خالد الجزولي كتب: نواصل مع مسجد بر وطبعاً نوادره كثيرة
عمك الراحل الاستاذ/ أحمد محمد عوض كان مغرماً بأن يكون إماماً وكان يصلي بالناس دائماً
وكثيرا ًما كانت صلاته تطول ، فمره في صلاة المغرب صلى بالناس بسورة الكهف وبدأ يقرأ
ويقرأ ويقرأ وعمك عبد الحافظ الطيار بدأ يتململ ويتضجر المهم الصلاة طولت المهم وكالعادة
الصلاة حصل فيها غلاط حول صحتها وانتظرنا المفتي بتاعنا شيخ بشير والذي افتى ببطلان
الصلاة وضرورة أعادتها فما كان من عمك عبد الحافظ إلا غنج وقال من قبيل شابكننا
ثلاثة ورابعهم كلبهم وخمسة وسادسهم كلبهم وصالبننا فترة طويلة كدة في الصلاة وبعد دا
تجوا تقولوا لينا نعيدا ،
ما بنعيدا ولا حاجة ، وشال نعالو وقال يا فكيك
كونوا معنا مزيداً من الحكايات مع
مسجد حي الصابرين

والله ياقلل ضحكت لمن عيني طلعت واتخيلت عمك عبدالحافظ وهو حارن معاهم مره واحده

Laughing Laughing Laughing Laughing Laughing الله يديه العافيه ...

عصام عباس ابوعكر

عدد المساهمات : 92
تاريخ التسجيل : 01/06/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  خالد الجزولي في الأربعاء يونيو 17, 2009 2:09 am

نرجع لي مسجد (بر) بحي صابرين العجيب
طبعاً نوادره كثيرة ولكن أكثرها كان في صلاة الظهر
حيث كان أغلب المصلين من أرباب المعاشات والطلبة
والجماعة البزوغوا من الشغل ، عموماً هاكم دي
الثنائي الراحل صديق سطيح ويوسف عبد الله
هؤلاء هم ابطالنا اليوم ، صلاة الظهر
وعمنا يوسف معروف عنه أنه سمعه تقيل
وما بسمع كويس وبيعتمد دائماً على (لكزة) من فردته
صديق سطيح في عملية الركوع والسجود والرفع منهما
أها... في اليوم داك وقف بينهم الأثنين على ما أظن
أخونا الدكتور/ عزالدين مالك أو عز الدين H كما يحلو
لأولاد الحي تسميته ... ما علينا
بدأت الصلاة وركع الإمام وركع الناس
قام الإمام من الركوع وكان شيخ محمد الغرابي
ولكنه لم يرفع صوته في الرفع من الركوع
والجماعة السمعهم خفيف رفعوا من الركوع
عمنا يوسف ظل كما هو لأنه ما سمع وزي
ما قلنا سمعه على قدره وطال الركوع وعمنا
يوسف متحير طبعاً ، ولاحظ عمنا وفردته
صديق سطيح أن يوسف لم يرفع من الركوع ومافي
طريقة (يلكزه) لأنه بينهم واحد اللي هو
عز الدين اتش فدار بينهما الحوار التالي
ولا حظ الصلاة شغالة ..
صديق : سمع الله لمن حمد يا يوسف
يوسف :............
صديق: سمع الله لمن حمد يا يوسف
يوسف : طيب ما تقولوا كدة من الأول
و واصلوا الصلاة وكأن شيء لم يكن
وطبعاً رجعنا للمفتي بتاعنا عمنا شيخ بشير محمد احمد
والذي أفتى ببطلان الصلاة بطلان بائن لأنه دار حوار
خارج نطاقها بين الاثنين
والنصيحة ما عارف عادوها ولا .... ولا لأ لأنهم بصراحة
كانوا عنيدين شوية ..
ربنا يرحمهم ويتولاهم برحمته
إنه سمع مجيب
تحياتي
تشكراتي

خالد الجزولي

عدد المساهمات : 167
تاريخ التسجيل : 04/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  ياسر حسيب في الخميس يونيو 18, 2009 3:15 am

في فريق ريد في شخصيات اسطورية من ضباط قداما وشباب مبالغة في الافعال منهم الشخصتين التؤام ما بنفرقو من بعض ولى وكوجاك ديل طبعا خطرين
مرة من المرات ولي ضرب ليهو سجارة قوية وطلع بفتش عن صحبو كوجاك وبكورك وببكي وين يا فرده يا كوجاك قام اخد ليهو ملف لاقي حصان السواري في وشو قال للحصان وهو ممسك بي وش الحصان انت مالك يا فرده وشك بقى كبير كده
ا

ياسر حسيب

عدد المساهمات : 19
تاريخ التسجيل : 02/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  ياسر حسيب في الخميس يونيو 18, 2009 3:22 am

برضو دي بحكوها عن كوجاك في الميدان بتاع الكورة بتاع فريق ريد كانت في دورة لاعبة هناك كوجاك ده كان عندو كلب قصيروني اسمو بلبل كان كوجاك بخزن فيهو السجارات بربطها في رقبتو قام كوجاك شال ليهو سجارة من الكلب بتاعو لمن اتكيف قال لي كلبو زي ما راسي ظبط لازم ازبط ليك راسك قام خت الكلب في رجليهو وبقى يا خد من النفس وينفخو في الكلب وهكذا لمن بلبل نام يومين في محلو داك بعد سطلة كوجاكية

ياسر حسيب

عدد المساهمات : 19
تاريخ التسجيل : 02/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  علي فطيرة في الثلاثاء يونيو 30, 2009 12:21 pm

نوادر جامع حسن حسين بميدان البيان مرة في رمضان بعد صلاة الطراويح
والناس طلعت في الميدان واحد من ناس الحلة مابشوف الجامع الا من رمضان الي رمضان
وصادف اخونا علي عابدين طبعا وما ادراك ما علي عبدين
واظنه كان واقف جنة في الصلاة قاليهو انت يا فلان مالك بتتلصق في الصلاة وخاتي
رجللك زي الباك كده قاليهو يا علي الامام قال اتلصقوا عشان الشيطان ما يدخل في الصلاة
علي عبدين قاليهو ياخي الشيطان ده مادام دخل الجامع خليهو امكن ربنا يهديهو
avatar
علي فطيرة

عدد المساهمات : 22
تاريخ التسجيل : 04/06/2009
العمر : 48
الموقع : الدوحة

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: [b]من طرايف ونوادر المورده[/b]

مُساهمة  خالد الجزولي في الخميس يوليو 02, 2009 4:53 am

حبايبنا ناس جامع بر حلويين ونكاتهم ونوادرهم كثيرة ، الجماعة الكبار ديك ناس صديق سطيح
ومحمد سطيح ويوسف عبد الله وعمنا النقر ومبارك حمودة ، الله يرحمهم جميعاً ، اوعمنا عبد القادر الطيار وعمنا عبد الله المكوجي الله يمد في ايامهم لمهم كانت الإمامة لعم النقر رحمة الله عليه وفي غيابه بيصلي بالناس عبد الحافظ الطيار ، اليوم داك جاءت مواعيد إقامة الصلاة والنقر ما وصل ففي اللحظة التي استوى فيها الجميع للصلاة وتقدم عبد الحافظ الطيار للصلاة بالناس (في ناس بالمناسبة متضايقين من إمامةعبد الحافظ بس الكلام دا تحت تحت) المهم تقدم عبد الحافظ في هذه اللحظة ظهر النقر خشم الباب بتاع الشارع وهو مقاصد باب المسجد فهتف الجماعة ( النقر حاء) على نغمة الرشاشات في الكورة ، في هذه اللحظة قال ليهم عبد الحافظ النقر جاء قالوا ليه أأأأي قال ليهم الله أكبر ودخل في الصلاة ولحظتها كانت الصلاة لم تقام بعد فكان موقف دراماتيكي واحدين صلو معاه وواحدين انتظروا لمن خلص وصلوا مع النقر وبعد كدة طبعاً انتظرنا عمنا بشير محمد أحمد المفتي المعتمد لدينا فقال الصلاة الأولى باطلة لأنه لأ تجوز الصلاة بدون إقامة.

خالد الجزولي

عدد المساهمات : 167
تاريخ التسجيل : 04/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى