الالقاب فى الموردة

[b] اشتهرت امدرمانيون وخصوصا ناس امدرمان جنوب وبالذات نا س الموردة باطلاق الالقاب على بعضهم البعض فيا ياجماعة خلينا نطوف ونسمع منكم عن الالقاب فى الموردة واذا تيسر للواحد ممكن يدينا سبب اللقب اذا كان عارفو ... ممكن للباقيين ان يساعدوه اذا ما كان عارف لو كان لديهم معلومة عن ذلك ...يلال نبدا من اعضاء المنتدى وبداية بياسر حسيب او ياسر جاكسون وكذلك على العمرابى على فطيرة

عمرابي السبت يونيو 20, 2009 8:39 am

طبعا يا عبد الباقي الالقاب عندنا تميز الشخصيات حتى ان اصحابها لا يعرفون اسمائهم الا مقرونة بالقابهم. جاكسون طبعا لقب غني عن التعريف و بالنسبة لفطيرة فهذا اللقب اطلقه عليه الموردابي الاصيل علي عابدين النخيلي الشهير ب (كابوتشي) و سبب لقب فطيرة هو ان علي فطيرة الاصلي لقب جدي لامي فقال على عابدين ان على سمي بعلي على جده على فطيرة و من يومها سار اللقب معه حتى انه هو شخصيا لا يعرف نفسه الا بعلي فطيرة. اما علي عابدين فلقب كابوتشي فهو اسم لمصارع امريكي شهير نسبة للقوة البدنية الهائلة التي كان يتمتع بها على عابدين و خصوصا اته كان مدرب نادي الموردة للحديد. و دمتم.

شكرا يامجدى على المرور ...... ماعارف انا كنت متوقع ياسر جاكسون يمر ويورينا بى نفسو سبب التسمية لكن يكون لقى ليهو مشروع او ساكى ليهو مناقصة وبفكر فى الريالات ..عموما سموهو جاكسون لانه لما كن بدرس فى المدرسة الاهلية المتوسطة بامدرمان ادى دور مايكل جاكسون فى اغنية نحن العالم ايام المجاعة ومن ديك ومسك فيهو الاسم ....وده بالضافة الى اللقب الاول منذ الصغر وهو الجقر ولهذا قصة وحا ندى جاكسون فرصة تانية عشان يورينا السبب بتاع اللقب ده برضو

علي ابوالقاسم الأربعاء يوليو 01, 2009 10:42 pm

عبدالباقى حامد الجزولى كتب:شكرا يامجدى على المرور ...... ماعارف انا كنت متوقع ياسر جاكسون يمر ويورينا بى نفسو سبب التسمية لكن يكون لقى ليهو مشروع او ساكى ليهو مناقصة وبفكر فى الريالات ..عموما سموهو جاكسون لانه لما كن بدرس فى المدرسة الاهلية المتوسطة بامدرمان ادى دور مايكل جاكسون فى اغنية نحن العالم ايام المجاعة ومن ديك ومسك فيهو الاسم ....وده بالضافة الى اللقب الاول منذ الصغر وهو الجقر ولهذا قصة وحا ندى جاكسون فرصة تانية عشان يورينا السبب بتاع اللقب ده برضو

ههههههههههههههه غايتو با عبدالباقي قصة جاكسون دي انا حاضرها واليوم الغنى الاغنية دي انا قاعععععععععععععد قدام

ومن اصحاب الالقاب فى المنبر الكابتن صلاح شكوكو ... وكذلك عصام ابوعكر -قصيد -( مع كسر القاف وتشديد الصاد )وكذلك الاخ صاموتى وغيرهم من الاخوة الذين نتمنى ان يتداخلوا فى البوست لكى يخبرونا بسبب هذه الالقاب

ولا ننسى ولع ناس الموردة والسودانيين عموما بالسياسة لذا تجد عدد من الالقاب المرتبطة بالسياسة واسماء الزعماء مثل نكروما -كاسترو -وكاوندا - وبوكاسا -وكمال جنبلاط رحمه الله -غاندى - .....يلا ياجماعة اتذكروا معانا

علي ابوالقاسم الثلاثاء أغسطس 11, 2009 9:56 pm

ومن الالقاب برضو في الموردة السر كبس وعوض قرمبع والحاج كمونية وعلي بحلجة ودي كلها القاب اقترنت بالاسم الاول لكل شخص يعني مسحت اسم الاب

على ذكر عوض قرنبع والحله ممكن تضيف لاصحاب الالقاب محمدية -عماد سيكسوك- لولو -عمك عبدالقادر توتو -عبدو الجنازه -هشام اللحس- حسام لجة-وعمر الشرة

عصام عباس ابوعكر الأربعاء أغسطس 12, 2009 10:03 am

سلام ياشباب
اخي عبدالباقي والله اذا قلت ليك عارف ليه لقبوني
بقصيد اكون كذبت عليك والله مامتذكر لكن حسام
اخوي (لجه) اطلق عليه القب امير الباهي دخلوا
سينما بانت يوم وكان فلم صيني كاراتيه وكان في
واحد في الفلم بيشبه حسام واسمه لجه ومن اليوم
داك امير الباهي سير عليه اسم لجه ...

عصام عباس ابوعكر الأربعاء أغسطس 12, 2009 10:19 am

عبدالمعز سيف اليزل(الجنازه)
برضو امير الباهي اطلق عليه اسم الجنازه
بصراحه امير في اللقب دي عنده حق والسبب
كنا دائما بنجتمع مع بعض في بيتنا في بيتهم
في الشارع في الدافوري في الركن وفي كل الاوقات دي
اي شئ يطلب منه يقول تعبان جيب الفطور من
الشره تعبان جيب الكورة للدافوري تعبان جيب الكوتشينه
تعبان هو نفسه بيكون عطشان قوم اشرب مويه تعبان
وكل مايكون متواجد امير وعبده يقول تعبان امير يقول له
انت جنازه ومن هنا اصبحنا كلنا نقول له الجنازه اذا قال
تعبان اوماقال ومشت الجنازه عليه ...

شكرا على المرور والمشاركه ياعصام ....اما سبب اطلاق لقب الشرة على عمر قيل انه عندما كان صغيرا لايستطيع نطق حرف السين وينطقه شين وكانت جدته تدعى السرة او السريتى ولانه لايستطيع نطق السين ويستبدله بى الشين صار ينطق اسم جدته الشرة بدلا عن السرة وسار عليه اللقب ولكن من اطلقه لاادرى والعهده على الراوى

salah samoti الأحد سبتمبر 06, 2009 11:36 am

شكرا علي الفكرة الجميلة بعضها اسماء اصلية اذكر منها عامر كلانة٠ حسن شمت٠ صالح خناق٠ عبدالرحمن التور٠ التنقور٠ التنقاري٠ ابودرق٠ السوكي٠ هذة بعض الالقاب صلاح صاموطي. هاشم استيكة.حاج شيكو.ازهرى شحفوفة .عبدالناصر وتد.الربع.عصام ولاعة.جمال العب.باكمبا.دوم.جمال ٠سنقالي.ابوالميراندا.ابوعطية.وهناك الكثير و لى عودة.

عمرابي الإثنين سبتمبر 28, 2009 4:28 am

ارتبطت بعض شخصيات من الموردة باسماء بعض الدول و من اشهرها

الكوتش صلاح ليبيا
جمال كوريا
احمد غانا (ترزي مع سيف الحضري)
احمد بنما (فريق ريد)

و من لديه المزيد فلينعش ذاكرتنا

شكرا ياصاموتى ويامجدى
ومن الذين لقبوا باسماء الدول والقارات ايضا
صلاح (زامبيا )
العاص فرح( اوربا )

الالقاب فى الموردة

الالقاب فى الموردة

رد: الالقاب فى الموردة

رد: الالقاب فى الموردة

رد: الالقاب فى الموردة

رد: الالقاب فى الموردة

رد: الالقاب فى الموردة

رد: الالقاب فى الموردة

رد: الالقاب فى الموردة

رد: الالقاب فى الموردة

رد: الالقاب فى الموردة

رد: الالقاب فى الموردة

قليل من كثير

القاب باسماء الدول

رد: الالقاب فى الموردة