ونسه بس

HISHAM SIDDIG الثلاثاء ديسمبر 22, 2009 12:34 pm

تعالو نتونس . نحكي عن الحله عن المورده وفريق ريد عن الهاشماب و العباسيه و حي الضباط وما بينهما عن الدافوري والرابطه رمضان والمقابر عما كان عليه الحال وكيف اصبح الان.عن شعيب و السبكي ,بكري عثمان وكمال عبد الوهاب علي كنيش و جمال هقله عن مدرسة الرشاد وابو كدوك, المؤتمر ووادي سيدنا. الفاتح الكوتش و الشوايه نحن حتما نعرف بعضنا فان لم اعرفك فحتما اعرف اخاك. فلنجعل المنتدى ناديا ولنجعله دارنا بعد دارنا البعيده.
شدو الهمه يا شباب و خمس دقائق من وقتك تمنحنا فرصه ان نعرف عنكم ونتواصل
و دمتم[/b]

HISHAM SIDDIG الإثنين فبراير 22, 2010 5:35 am

شنو يل شباب مافي زول داير يتونس؟المهم داير احكي عن الحله و التغيير خاصة وانو مشيت السودان لاول مره بعدعشر سنوات دايرين مشاركاتكم و في الانتظار.

HISHAM SIDDIG الأربعاء فبراير 24, 2010 5:38 am

كالعاده مافي زول جا لكن ما في مشكله الواحد يتكلم براهو لحدي ما ناس البيت ده يجو.
مالنا انحن ناس ام درمان لسانا طويل و عملنا قليل و قليل جدأ .شفته هنا في غربتي دي تجمع اولاد المحيريبه واولاد الشتيله ودي يا اولاد قلبا ما اظن سمعتو بيها و كلهم 8 اشخاص لكن شفتهم يجمعو المال لدعم محتاج في البلد وشفتهم عاملين رحلات هم واولادهم. انحن مالنا؟؟؟اولاد المورده و العباسيه وحي الضباط و بانت في المدينه دي يمكن اكثر من 100 و رغم ذلك يلقاك واحد منهم يشيل ليك الفاتحه في موقف القطر.و نفس الحال شايفو هنا في المنتدى لو خلاص مشغولين بالمعامل النووي معقول مانلقى 5 دقائق نشوف فيها الاخوان؟يعني عبد الرحمن نور الجليل ممكن نلقاهو وين غير هناو برضو بقية الاخوان.ياريت تشوفو منتديات اولاد الدويم و اولاد الكاملين.
شكرأ يا ود الجزولي لالقايك حجرأ في بركة سكوننا وان كنت اعتقد بانا نحتاج اكثر من الحجر و بالمناسبه في زول عندو اخبار حجر؟لسه ما قطعت الامل و لسه منتظركم.[b]

خالد الجزولي الأحد فبراير 28, 2010 7:00 am

أخي هشام
سلامات
ياخي تخيل نفس الموضوع دا حاصل عندنا هنا بجدة نحن نسبة كبيرة جداً وعاملين فيها أولاد أم درمان ولنا رابطة لكن كان قلت ليك الرابطة دي غير ما عملت ليها حفل تأسيسي فقط قبل أربعة سنوات صدقني وبعد داك عيييييييك لا انجازات لا مشروعات لا لا لا لا ولاأيه حاجة بس فالحين نقول نحن أولاد قلبا بس ..
بالمناسبة يا هشام إنت اراضيك وييين
تحياتي وشكري وتقديري كنت او أن استرسل لكن يعلم الله مشغووووووووول
سوف اعود لاحقاً

HISHAM SIDDIG الإثنين مايو 31, 2010 2:33 pm

بمشي واجي راجع ولسه عشمان انو الناس حتجي بلقى نفسي براي. الغريب انو بالنظر لبقية المنتديات تجد في كثير منها ان اولاد الحله نجوم فيها.ياريت يا شباب نشد الهمه و يا ريت نحس بانو كلمه في مكان زي ده ممكن تغير حاجه ويا ريت نعاين انحن وين وغيرنا وين. شفت المورده مغلوبه امس و شفت الامل عطبره في كاس الاتحاد الافريقي و ابوعنجه في التانيه وحي الضباط ما عارف وين وما سمعت عن قلب الاسد و ميدان قلب الاسد و الرابطه زمان عباره عن حفر كبييييييييييييره زي بتاعت الكمائن وكميه من الكوش. و استاد المورده ما شفتو من جوه بس من بره الحال يغني عن السؤال.نقعد نحن نتونس عن زمان و المحينه وبكري عثمان و الناس ماشه وانحن راجعين. اصحو يا عالم فنحن الجيل الذي لم يقدم اي حاجه للمنطقه.
غايتو الواحد لو باراكم شكلو حيطقع.

ونسه بس

ونسه بس

رد: ونسه بس

رد: ونسه بس

رد: ونسه بس

رد: ونسه بس