رد: مسابقة عن شخصيات من الموردة بعنوان من هم؟

خالد الجزولي الخميس يوليو 02, 2009 12:56 am

يا فطيرة
السؤال فيه خطأ
أنا عارفك إنت قاصد منو
لكن واحد في الأِشقاء الإنت قاصدهم
وهو الثالث لم يعلب بالإشبال إنما لعب بقلب الأسد
راجع معلوماتك ،
لأنه ما معقول نحن حتى في السؤال نصلحك Very Happy

خليك واضح يا جميل
كلامي صاااااح ولا خطأ
ولا خطأ يحتمل الصواب
ولا صواب يحتمل الخطأ
لووووووول

علي فطيرة الخميس يوليو 02, 2009 2:45 am

الاخ خالد الجزولي
معلوماتك خطأ والسؤال صحيح 100% الاخوان هم
عمار عباس الشقيق الاكبر لعب بالاشبال وترك اللعب بعد أن اصيب بالغضروف
اللاعب عصام عباس وهو غني عن التعريف
أما اللاعب الثالث وهو المقصود خالد عباس وللمعلومية لعب للاشبال فترة في نفس الوقت مع الاخ وليد محمد الطيب (صعلوك) ذهبوا الاثنين من فريق الاصدقاء وتم تسجيل وليد صعلوك قبله رسميا وهو لم يتم تسجيله رسميا وبعدها رجع خالد للاصدقاء زعلان وكل المحاولات فشلت لاقناعه بالرجوع وبعد الاصدقاء تم تسجيله في قلب الاسد هو أمين الكرنكي ولؤي عبدالله ثم لعب لبيت المال فترة بعد صعودها للدرجة الاولي علي يد المدرب فوزي المرضي
أما الشقيق الرابع هو عمرو عباس لعب فترة للاشبال وبعدها قلب الاسد

أفتكر كده السؤال صاح ولا شنو ؟؟؟؟؟؟؟؟؟؟؟؟؟؟

خالد الجزولي الخميس يوليو 02, 2009 4:42 am

علي فطيرة كتب:الاخ خالد الجزولي
معلوماتك خطأ والسؤال صحيح 100% الاخوان هم
عمار عباس الشقيق الاكبر لعب بالاشبال وترك اللعب بعد أن اصيب بالغضروف
اللاعب عصام عباس وهو غني عن التعريف
أما اللاعب الثالث وهو المقصود خالد عباس وللمعلومية لعب للاشبال فترة في نفس الوقت مع الاخ وليد محمد الطيب (صعلوك) ذهبوا الاثنين من فريق الاصدقاء وتم تسجيل وليد صعلوك قبله رسميا وهو لم يتم تسجيله رسميا وبعدها رجع خالد للاصدقاء زعلان وكل المحاولات فشلت لاقناعه بالرجوع وبعد الاصدقاء تم تسجيله في قلب الاسد هو أمين الكرنكي ولؤي عبدالله ثم لعب لبيت المال فترة بعد صعودها للدرجة الاولي علي يد المدرب فوزي المرضي
أما الشقيق الرابع هو عمرو عباس لعب فترة للاشبال وبعدها قلب الاسد

أفتكر كده السؤال صاح ولا شنو ؟؟؟؟؟؟؟؟؟؟؟؟؟؟

السؤال خطأ زي ما قدرت أنا
ولو إنت راجعت إجابتك التي سطرتها سوف تجد كلامي صحيح أنه سؤالك خطأ!!
لأنك قلت في الرد أنه ذهب مع وليد صعلوك وتم تسجيل وليد صعلوك قبله رسمياً ولمم يتم تسجيله رسمياً وبعدها رجع خالد للاصدقاء زعلان وكل المحاولات فشلت لاقناعه بالرجوع يعني اصبح ليس لاعباً بالأشبال صاااح ؟؟؟ يا عزيزي فطيرة عرفت كيف نحن بنعرف حتى السؤال الصاح من الخطأ وطبعاً أنا كنت عارف إنك قاصد مين بالسؤال
عشان كدة قلت ليك سؤالك خطأ
زول لم يسجل رسمياً معناها سجلوه واصبح لاعب بالأشبال كيف دي يا أبو علوه ؟؟؟؟ دي ما أدونا ليها والله فيا علي لا تغالط نفسك وتناقض نفسك بنفسك.
عموماً شوف ليك سؤال من بيت الكلاوي وجيبه لأنه دي ابجديات الموردة التي اوردتها دي
تحياتي
وارجو أن تعترف بالحقيقة يا عزيزي

علي فطيرة الخميس يوليو 02, 2009 6:03 am

يا خالد الجزولي
الحكاية بسيطة ما مجادلة وللعلم خالد عباس لعب مع الاشبال فترة 7 شهور ولعب معهم أربعة مباريات ودية
وبذلك يعتبر لاعبا بالاشبال عملية التسجيل ده شيء تاني بما انه لعب مبارة لفريق اشبال الموردة يعتبر لاعبا
والسؤال مرة اخري _ اربعة أخوان لعبوا لنادي المورد والاشبال يعني مثل النادي
كدي شوف دي ما ادوكم ليها ،،،،،،،
تحياتي

عمرابي الخميس يوليو 02, 2009 9:17 am

من ابناء الموردة و تخرج من الكلية الحربية (مركز التعلم في ذلك الوقت) في عام 1938م عمل ضابط بالجيش السوداني الى ان وصل الى رتبة اللواء و عمل حاكما عسكريا لاقليم كردفان ابان حكم عبود و له عدد من الابناء منهم المهندسين الضباط حيث وصل اكبر ابنائه الذكور الى رتبة لواء بالقوات المسلحة و هو حاليا متقاعد كما وصل اصغر ابنائه الذكور الى رتبة عميد و لا يزال في الخدمة؟؟؟؟؟؟ (يا خالد).

عمرابي الخميس يوليو 02, 2009 10:10 am

سلام يا ابوعكر,,
كلامك سليم 100% انا قصدت انو خالد الجزولي غلبتو الاجابة لكن للامانة زولك ده صعب تقبضوا طلع عارف الاجابة و بصحح السؤال و يعدل الجواب عشان كده انا طرحت سؤال ان جديد و الكلام ليك يا خالد..

خالد الجزولي السبت يوليو 04, 2009 12:27 am

الزين حسن

خالد الجزولي السبت يوليو 04, 2009 12:32 am

علي فطيرة كتب:يا خالد الجزولي
الحكاية بسيطة ما مجادلة وللعلم خالد عباس لعب مع الاشبال فترة 7 شهور ولعب معهم أربعة مباريات ودية
وبذلك يعتبر لاعبا بالاشبال عملية التسجيل ده شيء تاني بما انه لعب مبارة لفريق اشبال الموردة يعتبر لاعبا
والسؤال مرة اخري _ اربعة أخوان لعبوا لنادي المورد والاشبال يعني مثل النادي
كدي شوف دي ما ادوكم ليها ،،،،،،،
تحياتي

يا فطيرة يعني أي زول جاء من الشارع ولعب
مع الفريق مباراة ودية يكون سجل لذلك الفريق
طيب ليه عملو إتحاد وتسجيل وعقود احتراف
وفك تسجيل وووو.......
أبو علوه رووووووق

عمرابي السبت يوليو 04, 2009 3:18 am

يا خالد الجزولي الزين حسن محاولة جميلة و اجابة خطأ.. حاول مرة اخرى و استعن باصدقاء علما بان الاخوان عبد الباقي الجزولي و على العمرابي ممنوعون من الاجابة لمعرفتهم بها مني هاتفيا.....

عمرابي السبت يوليو 04, 2009 3:21 am

يا خالد و علي افتكر انو الجدال في الاجابة يفقد المسابقة معناها حيث ان الهدف التعريف بالشخصيات و ليس الهدف من هو صاحب الاجابة الصحيحة و المعلومة الغزيرة و الاصرار على الراي ولا انتو رايكم شنو؟؟؟؟؟؟

خالد الجزولي السبت يوليو 04, 2009 8:56 am

عمرابي كتب:يا خالد و علي افتكر انو الجدال في الاجابة يفقد المسابقة معناها حيث ان الهدف التعريف بالشخصيات و ليس الهدف من هو صاحب الاجابة الصحيحة و المعلومة الغزيرة و الاصرار على الراي ولا انتو رايكم شنو؟؟؟؟؟؟

الأخ / عمرابي
لم نختلف في أسماء أو تعريفها
إنما اختلاف في مبدأ معين وهو
لعمري لا يفسد للود قضية
فراعي الضان في الخلا يعرف
أن شريعة اللاعب والنادي التسجيل
فإذا وقعت في نادي معنى ذلك
أنك تسجلت به وأصبحت لاعباً
رسمياً به ، إما إذا اتمرنت مع نادي
ولعبت مباريات ودية فليس معنى
ذلك أنك لاعب ذلك النادي وإلا لكان
الراحل (الشيخ بيش) لاعبا ً للموردة
وأبو عنجة وقلب الأسد والأمل برضو

تخريمة
بالمناسبة دي قابلت أمس الكوتش نادر محمد نور والذي تعافى
ولله الحمد وهو مسافر بعد غد إلاثنين إلى السودان واطلعته على
ما دار من جدل فقال لي ياخالد أنا خالد عباس دا سجلتو من
الأصدقاء ولم يسجل أو يلعب بالأشبال مطلقاً ... أها رأيك شنو
تحياتي
وتشكراتي
TAKE IT EASY

عمرابي السبت يوليو 04, 2009 10:15 am

بالمناسبة دي قابلت أمس الكوتش نادر محمد نور والذي تعافى
ولله الحمد وهو مسافر بعد غد إلاثنين إلى السودان واطلعته على
ما دار من جدل فقال لي ياخالد أنا خالد عباس دا سجلتو من
الأصدقاء ولم يسجل أو يلعب بالأشبال مطلقاً ... أها رأيك شنو

حمدا لله على سلامة اخونا نادر و ربنا يرجعه لاهله و عياله سالما غانما و ان يمتعه بالصحة و العافية،،، كان بودي مقابلة نادر شخصيا في السعودية حيث انني نويت العمرة برفقة الاسرة الاسبوع القادم ان شاء الله و اذا ربنا ما سهل شوفة نادر ان شاء الله بسهل شوفتك و السلام عليك باذنه تعالى,,,

عمرابي السبت يوليو 04, 2009 10:18 am

يا خالد لا زال السؤال قائما و الاجابة مطلوبة ،،،

عمرابي السبت يوليو 04, 2009 10:46 am

أخونا عصام ابو عكر و اخونا بطة مسجلين غياب فلعل المانع خير،، افتقدناكم يا شباب،،

خالد الجزولي الإثنين يوليو 06, 2009 2:52 am

عمر إبراهيم العوض

مرتضى مبارك نصر الإثنين يوليو 06, 2009 3:45 am

كان صبرت شوية يا أستاذ خالد
كان جاوبته ليك
لكن الشفقة
وبرضو كتر ألف خيرك

عمرابي الإثنين يوليو 06, 2009 4:46 am

يا خالد اجابة صحيحة و موفقة و هذا لا يمنع انها تعبتك شوية .. ومنتظرين السؤال الجاي منك..

عمرابي الإثنين يوليو 06, 2009 4:51 am

زيادة معلومة عن ابناء اللواء عمر ابراهيم و هما اللواء محمد عمر و الذي كان قائد المنطقة المركزية الخرطوم و احيل للتقاعد في 30 يونيو 1989م وهو متزوج من العميد طبيب نادية الدرديري محمد عثمان و العميد صالح عمر وهو لا يزال في الخدمة.

مرتضى مبارك نصر الإثنين يوليو 06, 2009 5:06 am

خالد الجزولي كتب:الإخوة الأعضاء
بالنسبة للمسابقة حلها كما يلي :-
الأشقاء الأربعة الذين لعبوا بالموردة خلال
الفترة من نهاية الحمسينات وحتى منتصف
السبعينات هم :-
1- التهامي عثمان حسن - حارس مرمى
2- عمر عثمان حسن - لاعب وسط
3- بكري عثمان حسن - مهاجم
4- خالد عثمان حسن (حاج سمير) مدافع
مع تحياتي
تشكراتي

[b][center]كان صبرت شوية كان حليناها
الشفقة شنو، ما قلنا المنتدي غرفة إنعاش
علي العموم ، سباق لتعريف الكل بالتاريخ
ما قصرت يا أبو الوليد

خالد الجزولي الإثنين يوليو 06, 2009 7:52 am

عمرابي كتب:يا خالد الجزولي و الله سؤالك ده غلبني تب علما بانني استعنت باصدقاء مش صديق واحد و برضو مافي فائدة و انا عارف انو شينة في حقنا ان نجهل تاريخنا و ابطالنا لكن دي الحقيقة عشان كده و بصراحة (غششنا)

أخي / مرتضى
حقيقة لم اتسرع في الإجابة
بس الجماعة قالوا الروووب
عديل عشان كدة اردنا نقل
المعلومة لهم
عموماً ملحوقة وهناك الكثير من
الأسئلة إن شاء الله
تحياتي

مسابقة عن شخصيات من الموردة بعنوان من هم؟